स्वर्णलक्ष्मी सहकारीको रकम हिनामिना प्रकरणमा रवि लामिछानेसहित ३९ जनामाथि मुद्दा

२१ पुष, काठमाडौं।

राजधानीको कालीमाटीमा रहेको स्वर्णलक्ष्मी बहुउद्देश्यीय सहकारी संस्थाको बचत रकम दुरुपयोग गरेको आरोपमा तीन दर्जनभन्दा बढीमाथि मुद्दा दायर भएको छ । एक अर्ब १९ करोड रुपैयाँभन्दा बढी संगठित रुपमा ठगीसम्बन्धी कसूर गरेको अभियोग लगाइएको छ ।

आइतबार जिल्ला सरकारी वकीलको कार्यालयले जिल्ला अदालतमा पूर्व गृहमन्त्री तथा राष्ट्रिय स्वतन्त्र पार्टि रवि लामिछानेसहित ३९ माथि मुद्दा चलाएको हो । गत बिहीबार जिल्ला प्रहरी परिसर काठमाडौंले अनुसन्धान सकेर सरकारी वकीलसामु प्रतिवेदन पेस गरेको थियो ।

प्रहरीले ४४ जनालाई प्रतिवादी बनाउन राय दिएकोमा ३९ जनाविरुद्ध मुद्दा चलेको हो । फरार रहेका गितेन्द्रबाबु राई, देवेन्द्रबाबु राईलगायतविरुद्ध मुद्दा चलाइएको हो ।

लामिछानेमाथि पाँच करोड ८ लाख रुपैयाँभन्दा बढी रकम बिगो दाबी गरिएको छ । सहकारीको रकम मिडियामा लगानी गरेको अभियोग लगाइएको छ ।

यस्तो छ अभियोगपत्र : Click Here- Rabi Lamichhane अभियोगपत्र PDF